Skip to content

NÁTTÚRA Í HLJÓÐI OG MYNDUM

 

 

NÁTTÚRA Í HLJÓÐI OG MYNDUM

Nemendur Fellaskóla sýna furðufugla sem þeir unnu undir handleiðslu Gretu Guðmundsdóttur. Nemendur í Seljaskóla sýna verk sem byggja á rannsóknum þeirra á hrauni og með innblæstri frá listsköpun Kjarvals. Auk þess sýna nemendur skólans niðurstöður rannsókna sinna nærumhverfi Seljaskóla sem þau unnu undir handleiðslu Dagnýjar Sifjar. Nemendur 3. bekk Laugarnesskóla sýna myndir af mikilvægum fyrirmyndum og verk sem byggir á rannsókn á hljóðheimi og myndheimi Laugarneshverfisins. Nemendur frá Landakotsskóla sýna niðurstöður trjárannsókna. Nemendur í Vesturbæjarskóla sýna óskir fyrir náttúruna í Reykjavík og náttúrumálverk. Nemendur í Vesturborg sýna teikningar byggðar á plönturíkinu í nágrenni skólans. Nemendur Langholtsskóla undir leiðsögn Hönnu Grétu Pálsdóttur sýna landslagslágmyndir. Nemendur úr Hagaskóla sýna innsetningu sem þau hafa unnið úrgömlum yfirgefnum tjöldum og hljóðrásir tengdar þeim. Hvert tjald sýnir ólíkt svæði úr náttúrunni og óma hljóðverk úr hverju tjaldi sem fær sýningagesti til þess að upplifa sig nær hverju þema. Auk þess sýna Hagskælingar útsaum með ljósrásum af hversdagslegum hlutum sem sem samfélagsleg pressa hefur sett fram sem nauðsynlega í okkar daglega lífi. Verkefnið unnu nemendur þverfaglega með kennurunum sínum: Atla náttúrufræði, Brynju textíl, Gunnhildi og Sesselju myndmennt, Rakel smíði og Þórönnu tónmennt.